Hello!
I am Greenie,
your guide.
My boss told me not to use the term Führer
Just follow me!
The home of gruenkern
The home of gruenkern is a relatively small area in Southern Germany east of Heidelberg. It is an area with little industry. Even in Germany the home of gruenkern is almost unknown. This area has for a long time jokingly been compared to Siberia. As one who was born there and having returned to Boxberg after 30 years of travelling I cannot understand this prejudice. Come and see!
Be that as it may: The two towns of Boxberg and Altheim are the centers of the gruenkern production.
You are invited to visit the homepage of the city of Boxberg
The sound of Grünkern country - the Boxberg dialect!
Just click on the following terms!! (Sometimes it's good to have a soundcard!!)
Meine Hose Heute Nacht Ein breites Brett
And here is a poem in the dialect of the area where Gruenkern is produced:
Grünkernernte 1960
Mir wouhne, des is ja bekannt,
do hinne im badische Hinnerland,
gnau san mer do her, wu mer zu de Hase Hosche
un zu de Hose Housche secht.
un wu mer im Summer den gröne Kern mecht.
Wie gsat, mir baue Dinkel un for der Ährn
mecht mer devou den gröne Kern.
E Ärwet is, des wisse d Leut
drüm welle die Fortschrittsbauern heut
von dem Gschäff gor net viel mei wisse,
der Preisuffschloch hots grod empor no grisse,
an d Handarweit, do wellesch halt net drou,
drüm fängt mer jetzt a scho mit Maschiene ou,
mit Mähwer un Binner prowiert mers fescht,
un jeder mont, seins wär des Bescht,
als ob mit de Maschiene des Glück wär kumme
d ganz Romantik is debei verschwunne.
Awer mir gehne nouni mit dere Mode
un bleiwe no bei der alte Methode.
Owends vorher werd die Reffe naus de Acker gfohrn,
daß morchens losch gehn konn, die Zeit konn mer schporn.
Die Nachbersleut un Freunde all
die helfe mit uff jeden Fall
daß alles flott von statte geht
schi wärn beleidicht, wann mersch net mitnemme dät.
Die Weibsleut schneide un duhn die Hampfel schö uf Haufe setze,
der Herle is debei, der muß die Sichel wetze
die Männer schbatze neid Hänn un reffe druf losch
`Wer mecht denn heut wider die Hampfel sou groß?'
`Un wer hot denn widder sou gflucht beim säwe?'
sonscht häts net sou viel Dischel gewe!
Schpretzt en Kolwe naus, do werd sich schnell gebückt.
S Stroh derfmer net verschlorkse, do werde Saaler gschtrickt.
Is en Sock voul, do is mer froh,
zugedeckt werd er mit Schtroh
mer guckt noch der Sunn, daß er im Schatte leit
san vier Säck voul, ja dann is Veschperzeit.
Do geits Dörrflasch, Glumbe, Schtreiche, Wurscht,
Tee, Mouscht un Kaffe for de Durscht.
Ner nouglangt fescht un net geniert
sonscht kümmt zu kurz, wer lang sich ziert.
Awer s Allerschönscht bei dere Erwet is un bleibt,
wer duts verroote
nets Esse un Trinke, nets Buckel broode
net frische Luft, net Langeweile
s Schönscht is un bleit doch des Verzeihle
wann mer ausgiebich, net eloo
durchhecheln konn die halwe Gmoo!-
Als erschts werd gekocht, des san dene Weibsbilder ihr erschte Sache
von de Kernbohne gehts ou, bis zum Markklösli mache,
seller Bäck hots beschte Brot,
raache dut die wie en Schlot,
wie en Schträußhoofe hot die en Hut,
was mer em beschte neis Gfrierfach dut,
der Blumestouck der blüht recht schö,
dene ihrn Dinkel is a no recht grö,
die will e neus Lämple, der en Rasierapperat
die neue Schuh, selli e neus Klaad,
dem sei Auto is a widder hie,
dem hot gekalbt e Kuh heut früh,
dene ihrn Göiker dut unnern Mischt sou verkratze,
der will ko Ebirn, bloß lauter Schpatze,
die läßt sich a scho widder scheide,
den Mou, den kon i a net leide.
die Frucht, die hewe d Hosche recht versaut,
die hewe im Garte schöns Gmüs und schöns Kraut,
mir hewe Retti, langi un runde,
die hewe Kindsdaaf de nechschte Sunti,
die geht a recht oft zum Friseur,
der hot mit seim Gaul e rechts Malheur,
der hot en Fernseh, die e neus Bad,
der kriecht en neue Bulldog, der Nochber hots gsaat,
mein Oufekoonze der gröt mer gut,
des will net howe, daß mer Roseili neidut.
I geh e mol neis Schwimmbad, des guck i mer ou,
die 50 Pfenni die wooch i mol drou!
Un bei allem verzeile, des glaabt mer woul,
san im Nu die Säck scho voul,
un kriecht mer derfür no e Häufle Geld,
en Narr, wems Grönekerngschäff net gfällt!
(Sou wie'sch g'saadt hewwe unn wie'sch no sooche, p.48-50)
Boxberg